3D ومضات 28 ||| ازاي النجار المسلح بينفذ نجارة الأعمدة ؟ ||| مجسمات
: 3D ومضات 28 ||| ازاي النجار المسلح بينفذ نجارة الأعمدة ؟ ||| مجسمات سلام عليكم يا باشمهنجزين, نبدأ الموسم الثالث من سلسلة ومضات بشرح طريقة تنفيذ نجارة الأعمدة, طبعا احنا عارفين ان من ضمن عناصر البند هو تنفيذ واستلام البند, واتفقنا ان التنفيذ ده بتكون مسئولية الصنايعي والاستلام مسئولية مهندس الموقع, طب ليه نعرف طريقة التنفيذ طالما دورنا نتأكد ان اللي اتنفذ صح ولا غلط, مهندس الموقع مينفعش يكون مش عارف طرق تنفيذ البنود وده للأسباب الآتية: - لو احنا شغالين في نجارة الأعمدة مثلاً, لازم تكون عارف الصنايعي هينفذ اللي في اللوحة ازاي, وترتيب مراحل التنفيذ واسم كل مرحلة, ده بيخليك فاهم شغل الصنايعي وعارف هو المفروض دلوقتي هيعمل ايه وايه اللي هيحتاجه منك عشان توفرهوله علشان ميتعطلش وهو شغال, الحاجة الثانية لو جيت وقلتله يا معلم بعد اذنك هنا مثلاً في خطأ مينفعش نعديه, هيقولك يا هندسة والله ده أخري وانا معرفش اعدلها, لو انت فاهم شغله وفاهم طريقة التنفيذ هتقوله لا يا معلم انت لو فكيت اللوح ده وحركت اللوح اللي هناك وثبت الفضلة ده هتعرف تعملها, وده يخلينا نروح للنقطة اللي بعديها وهي انك اصلا لو عارف طريقة التنفيذ وشفت الصنايعي وهو بيعمل الحاجة غلط ليه نستني لحد ما نستلم منه ما تلحقه دلوقتي وهو بيعملها كده الموضوع يبقي سهل عليك وعليه ومش هتلاقي ملاحظات كتير في الاستلام النهائي, لانك انت هتبقي شغال في مشاريع معندهاش رفاهية الوقت انك تستلم البند وبعد كده تكتشف الاخطاء وبعد كده يعدلها الصنايعي وبعد كده ترجع تستلم تاني, وحتي لو اكتشفت الخطأ في بنود طالما اتنفذت خطا من الصعب جدا انك تعدلها تاني وخصوصا في التشطيبات, فعشان كده معرفتك بطرق تنفيذ البنود هيسهل عليك اوي في استلامها النهائي ومش هيعطل سير العمل قدر الإمكان, لو حابب تعرف خطوات تنفيذ نجارة الأعمدة وترتيب مراحل التنفيذ, تابع الحلقة معانا, وسلام عليكم يا باشمهنجزين #احترف_التنفيذ ----------------------------------------------------------------- - لمتابعة الحلقات علي القناة أسبوعيا الرجاء عمل subscribe: https://www.youtube.com/channel/UCIesfXgIgM3D7dk4B_fGhrw - لمتابعة القناة علي Facebook الرجاء الدخول علي الرابط: https://ift.tt/2L5tY5y - لمتابعة القناة علي Twitter الرجاء الدخول علي الرابط: https://twitter.com/AbdlrahamnS - لمتابعة القناة علي linked-In الرجاء الدخول علي الرابط: https://ift.tt/2RXnDd8 - لمتابعة القناة علي Instagram الرجاء الدخول علي الرابط: https://ift.tt/2L3ITgS
تعليقات
إرسال تعليق